என்னைப் பற்றி

எனது படம்
அகரப்பட்டியைச் சேர்ந்த ''சோலச்சி'' என்னும் நான் இடைநிலை ஆசிரியராகப் பணியாற்றி வருகின்றேன். இயற்பெயர் தீ.திருப்பதி. புதுக்கோட்டை நச்சாந்துபட்டி இராமநாதன் செட்டியார் மேல்நிலைப்பள்ளியில் பத்தாம்வகுப்பு அறிவியல் பாட ஆசிரியர் திருமதி எஸ்.சோலச்சி அவர்கள் 1998 இல் எனக்கும் எங்கள் குடும்பத்திற்கும் உற்ற துணையாக இருந்து எங்கள் வாழ்வில் ஒளியை உண்டாக்கியவர். அதனால் அவரின் பெயரையே புனைப்பெயராக வைத்துக்கொண்டேன்.எனது நூல்கள் :சிறுகதை, 1.முதல் பரிசு2.கருப்புச் சட்டையும் கத்திக் கம்புகளும்3.அட்டணக்கால், கவிதை: 1.காட்டு நெறிஞ்சி 2.விரிசல்1.''முதல் பரிசு'' சிறுகதை நூல் 2017 கல்பாக்கம் சாலோம் அறக்கட்டளை விருது மற்றும் 5000/-(ஐயாயிரம் ரூபாய்) பொற்கிழி.2."கருப்புச்சட்டையும் கத்திக்கம்புகளும்" சிறுகதை நூல் 13.08.2017 சென்னை பொதிகை மின்னல் விருது மற்றும் 3000/- (மூவாயிரம்) பொற்கிழி. 23.12.2018 ராஜபாளையம் மணிமேகலை மன்றத்தின் சிறுகதைச் செம்மல் விருது மற்றும் ரூபாய் 5000/- (ஐந்தாயிரம்) பொற்கிழி.17.02.2019 புதுச்சேரி தமிழ்ச் சங்கம் விருது மற்றும் ரூபாய் 3000/- (மூவாயிரம்) பொற்கிழி.குறிப்பு: முதல்பரிசு மற்றும் கருப்புச் சட்டையும் கத்திக்கம்புகளும் இரண்டு சிறுகதை நூல்களும் எம்.பில் ஆய்வு செய்யப்பட்டுள்ளன. பேச : 9788210863

வியாழன், 19 நவம்பர், 2026

நவம்பர் 19 சோலச்சி அகவை தினம்

 



களமாட நீ வராமல் கரங்கள் எப்படி வலுப்பெறும் 

உளமார சொல்வதென்றால் 

உணர்வற்று கிடந்தால் 

இந்நிலமோ  எப்படி உருப்படும்


கவர்ச்சியின் சாயம் பெருத்து போனால் 

காக்கை குருவிக்கும் அலுத்துப் போகும் 

கருத்தியல் ஒன்று நீர்த்துப் போனால்

கருவும் உருப்பெற மறுத்துப் போகும் 


உச்சி சூரியனை உடலெங்கும் பரவவிடு

உன்னை விட்டால் வேறு வழி எது


மாய திரையை கிழித்து எறி

மண்ணில் நீயே ஒளிரும் விளக்கு திரி

          - சோலச்சி 

19.11.2025


நவம்பர் 19 என் அகவை தினத்தில் தோழமைகளின் கரங்களை இறுகப் பற்றிக் கொள்கின்றேன்.


போற்றுதலுக்குரிய எங்கள் ஐயா கவிச்சுடர். கவிதைப்பித்தன். 

அவர்கள் திருக்கரங்களால் வழங்கிய ஆடையை அணிந்து கொண்டேன்.



மகிழ்ச்சி 


சோலச்சி

19.11.2026

கருத்துகள் இல்லை: