என்னைப் பற்றி

எனது படம்
அகரப்பட்டியைச் சேர்ந்த ''சோலச்சி'' என்னும் நான் இடைநிலை ஆசிரியராகப் பணியாற்றி வருகின்றேன். இயற்பெயர் தீ.திருப்பதி. புதுக்கோட்டை நச்சாந்துபட்டி இராமநாதன் செட்டியார் மேல்நிலைப்பள்ளியில் பத்தாம்வகுப்பு அறிவியல் பாட ஆசிரியர் திருமதி எஸ்.சோலச்சி அவர்கள் 1998 இல் எனக்கும் எங்கள் குடும்பத்திற்கும் உற்ற துணையாக இருந்து எங்கள் வாழ்வில் ஒளியை உண்டாக்கியவர். அதனால் அவரின் பெயரையே புனைப்பெயராக வைத்துக்கொண்டேன்.எனது நூல்கள் :சிறுகதை, 1.முதல் பரிசு2.கருப்புச் சட்டையும் கத்திக் கம்புகளும்3.அட்டணக்கால், கவிதை: 1.காட்டு நெறிஞ்சி 2.விரிசல்1.''முதல் பரிசு'' சிறுகதை நூல் 2017 கல்பாக்கம் சாலோம் அறக்கட்டளை விருது மற்றும் 5000/-(ஐயாயிரம் ரூபாய்) பொற்கிழி.2."கருப்புச்சட்டையும் கத்திக்கம்புகளும்" சிறுகதை நூல் 13.08.2017 சென்னை பொதிகை மின்னல் விருது மற்றும் 3000/- (மூவாயிரம்) பொற்கிழி. 23.12.2018 ராஜபாளையம் மணிமேகலை மன்றத்தின் சிறுகதைச் செம்மல் விருது மற்றும் ரூபாய் 5000/- (ஐந்தாயிரம்) பொற்கிழி.17.02.2019 புதுச்சேரி தமிழ்ச் சங்கம் விருது மற்றும் ரூபாய் 3000/- (மூவாயிரம்) பொற்கிழி.குறிப்பு: முதல்பரிசு மற்றும் கருப்புச் சட்டையும் கத்திக்கம்புகளும் இரண்டு சிறுகதை நூல்களும் எம்.பில் ஆய்வு செய்யப்பட்டுள்ளன. பேச : 9788210863
20.10.2018 அன்னவாசல் கிளை கூட்டம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
20.10.2018 அன்னவாசல் கிளை கூட்டம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வியாழன், 25 அக்டோபர், 2018

தமிழ்நாடு கலை இலக்கியப் பெருமன்றம்

  அன்னவாசலில் இலக்கிய விழா

அக்20. புதுக்கோட்டை மாவட்டம் அன்னவாசலில் தமிழ்நாடு கலை இலக்கியப் பெருமன்றத்தின் இலக்கிய கூட்டம் நடைபெற்றது.
       புதுக்கோட்டை மாவட்டம் அன்னவாசலில்  ஞாயிற்றுக்கிழமை மாலை தமிழ்நாடு கலை இலக்கியப் பெருமன்றத்தின்  இலக்கிய கூட்டம் கோகிலா மெட்ரிக் பள்ளியில் சிறப்பாக நடைபெற்றது. இலக்கிய கூட்டத்திற்கு இலக்கிய ஆர்வலர் எம்.சி.லோகநாதன்  தலைமை வகித்தார். சிறுகதை எழுத்தாளர் சோலச்சி வரவேற்புரை வழங்கினார். கவிஞர் கு.இலக்கியனின் சாபத்திற்குள் பயணிக்கும் இரயில் கவிதை நூல்குறித்து இலக்கிய ஆர்வலர் சேக் அப்துல்லா விமர்சன உரை நிகழ்த்தினார். கவிஞர் புதுகை தீ.இர அவர்களின் வியர்வையின் முகவரி கவிதை நூல் குறித்து எழுத்தாளர் செம்பை மணவாளன் அவர்கள் விமர்சன உரை நிகழ்த்தினார். விழாவில் முன்னாள் தமிழ்நாடு சட்டமன்ற சபாநாயகர் பரிதி இளம்வழுதி அவர்களின் மறைவிற்கு அஞ்சலி செலுத்தப்பட்டது. மேலும்,  அன்னவாசல் காவல்நிலையமானது பேரூராட்சிக்கு உட்பட்ட பழைய இடத்திலேயே அமைந்திட வலியுறுத்தியும் புத்தகங்கள் இருக்கும் வீடுகளாக மாற்றுவோம் என்ற அடிப்படையில் மாதந்தோறும் இரண்டு நூல்களாவது வாங்கி வாசிக்க செய்ய விழிப்புணர்வு ஏற்படுத்துவதெனவும் அன்னவாசல் அரசு மகளிர் உயர்நிலைப் பள்ளியை அன்னவாசல் கீரனூர் சாலையில் அமைக்க நடவடிக்கை எடுக்க வலியுறுத்தியும் தீர்மானம் நிறைவேற்றப்பட்டது.
      இக்கூட்டத்தில் கவிஞர் புரட்சித் தமிழன் சத்தியசீலன், கவிஞர்.புதுகை தீ.இர, நதிகள் இணைப்பு போராளி கவிஞர் புதூர் உ.அடைக்கலம், ஆவடிக் கவிஞர் சக்திகுமார் போன்றவர்கள் கவிதை வாசித்தனர். கவிஞர் பூ.அடைக்கலம் மது ஒழிப்பு பற்றிய சமூகப் பாடலைப் பாடினார். மோகன்ராஜ், குழந்தைவேலு, குமார், கே.டி.கந்தசாமி, பா.இன்பராஜ், ஆ.கிருஷ்ணகுமார் போன்ற இலக்கிய ஆர்வலர்களும் கலந்து கொண்டனர்.
       விழாவில் கலந்து கொண்ட கவிஞர் கு.இலக்கியன் பேசும்போது, கிராமப்புற பகுதிகளில்தான் இலக்கியம் செழித்து வளர்கிறது.  இலக்கியத்தின் பிறப்பிடமும் கிராமங்கள்தான். இந்த அமைப்பானது புதிய படைப்பாளர்களை ஊக்குவிக்கும் அரணாக விளங்குகிறது. இன்று இலக்கிய அமைப்புகள் பல இயங்கிவந்தாலும் இது போன்ற கிளைகளில் உள்ளவர்களை அடையாளம் கண்டு அவர்களை வெளி உலகுக்கு கொண்டு வருவது அவசியமாகிறது. அன்னவாசல் கிளையின் செயலாளர் சோலச்சி சகபடைப்பாளர்களை மிகச் சிறப்பாக நேர்த்தியாக வழிநடத்தி வருவதைக் கண்டு வியக்கிறேன். எத்தனையோ இலக்கிய கூட்டங்களுக்கு சென்றிருக்கின்றேன். இருந்த போதும் இந்தக் கூட்டம் மன நிறைவாக இருக்கிறது. இன்றைய படைப்பாளர்கள் அலங்காரத்திற்காக சொற்களை குவித்து எழுதுவதை தவிர்த்து வாழ்வியலின் அனுபவங்களை துயரங்களை அதற்கான தீர்வுகளை எழுத முன்வர வேண்டும். பேனா கிடைத்துவிட்டது என்பதற்காக அனைத்தையும் எழுதக் கூடாது. இந்த சமூக வளர்ச்சிக்கு எது தேவையோ அதை உணர்ந்து எழுத வேண்டும் '' என்று கூறினார். நிறைவாக எழுத்தாளர் சோலச்சி நன்றியரையாற்றினார்.