என்னைப் பற்றி

எனது படம்
அகரப்பட்டியைச் சேர்ந்த ''சோலச்சி'' என்னும் நான் இடைநிலை ஆசிரியராகப் பணியாற்றி வருகின்றேன். இயற்பெயர் தீ.திருப்பதி. புதுக்கோட்டை நச்சாந்துபட்டி இராமநாதன் செட்டியார் மேல்நிலைப்பள்ளியில் பத்தாம்வகுப்பு அறிவியல் பாட ஆசிரியர் திருமதி எஸ்.சோலச்சி அவர்கள் 1998 இல் எனக்கும் எங்கள் குடும்பத்திற்கும் உற்ற துணையாக இருந்து எங்கள் வாழ்வில் ஒளியை உண்டாக்கியவர். அதனால் அவரின் பெயரையே புனைப்பெயராக வைத்துக்கொண்டேன்.எனது நூல்கள் :சிறுகதை, 1.முதல் பரிசு2.கருப்புச் சட்டையும் கத்திக் கம்புகளும்3.அட்டணக்கால், கவிதை: 1.காட்டு நெறிஞ்சி 2.விரிசல்1.''முதல் பரிசு'' சிறுகதை நூல் 2017 கல்பாக்கம் சாலோம் அறக்கட்டளை விருது மற்றும் 5000/-(ஐயாயிரம் ரூபாய்) பொற்கிழி.2."கருப்புச்சட்டையும் கத்திக்கம்புகளும்" சிறுகதை நூல் 13.08.2017 சென்னை பொதிகை மின்னல் விருது மற்றும் 3000/- (மூவாயிரம்) பொற்கிழி. 23.12.2018 ராஜபாளையம் மணிமேகலை மன்றத்தின் சிறுகதைச் செம்மல் விருது மற்றும் ரூபாய் 5000/- (ஐந்தாயிரம்) பொற்கிழி.17.02.2019 புதுச்சேரி தமிழ்ச் சங்கம் விருது மற்றும் ரூபாய் 3000/- (மூவாயிரம்) பொற்கிழி.குறிப்பு: முதல்பரிசு மற்றும் கருப்புச் சட்டையும் கத்திக்கம்புகளும் இரண்டு சிறுகதை நூல்களும் எம்.பில் ஆய்வு செய்யப்பட்டுள்ளன. பேச : 9788210863

புதன், 14 டிசம்பர், 2016

புரட்டிக்கொண்டு...... -சோலச்சி

புரட்டிக்கொண்டே
இருக்கிறேன்
எனக்கான பக்கங்கள்
நீளுகின்றன....

காயங்களும்
வலிகளுமே
பல பக்கங்களை
ஆக்கிரமித்தபடி....

ஒன்றிரண்டு நீரூற்றுகள்
வழிந்தோடுகின்றன

பெரும்பாலும்
குடிசைகளே
நிறைந்திருக்கின்றன

ஈக்களை
அழிப்பதற்கு
வழியில்லை ...

கொசுக்கள்
கூட்டமாய்
கும்மாளமிடுகின்றன...

மாவிலை தோரணங்களாய்
மாட்டுக்கறி தோரணங்கள்
அலங்கரிக்கின்றன....

எங்கோ உதித்த தென்றல்
அங்கும் தனது தடத்தை
பதித்தபடி
இனம்புரியாத வாசத்தை
அள்ளிச் செல்கிறது...

என் புத்தகம்
கிழக்குப்பக்கமாகவே....

இருந்தபோதும்
இருண்டே கிடக்கிறது ...!

        - சோலச்சி
        புதுக்கோட்டை
         9788210863

4 கருத்துகள்:

கரந்தை ஜெயக்குமார் சொன்னது…

விரைவில் ஒளி தோன்றும்

சோலச்சி சொன்னது…

மிக்க மகிழ்ச்சி நன்றிங்க அய்யா

சோலச்சி சொன்னது…
இந்த கருத்து ஆசிரியரால் அகற்றப்பட்டது.
சோலச்சி சொன்னது…

மிக்க மகிழ்ச்சி நன்றிங்க அய்யா