என்னைப் பற்றி

எனது படம்
அகரப்பட்டியைச் சேர்ந்த ''சோலச்சி'' என்னும் நான் இடைநிலை ஆசிரியராகப் பணியாற்றி வருகின்றேன். இயற்பெயர் தீ.திருப்பதி. புதுக்கோட்டை நச்சாந்துபட்டி இராமநாதன் செட்டியார் மேல்நிலைப்பள்ளியில் பத்தாம்வகுப்பு அறிவியல் பாட ஆசிரியர் திருமதி எஸ்.சோலச்சி அவர்கள் 1998 இல் எனக்கும் எங்கள் குடும்பத்திற்கும் உற்ற துணையாக இருந்து எங்கள் வாழ்வில் ஒளியை உண்டாக்கியவர். அதனால் அவரின் பெயரையே புனைப்பெயராக வைத்துக்கொண்டேன்.எனது நூல்கள் :சிறுகதை, 1.முதல் பரிசு2.கருப்புச் சட்டையும் கத்திக் கம்புகளும்3.அட்டணக்கால், கவிதை: 1.காட்டு நெறிஞ்சி 2.விரிசல்1.''முதல் பரிசு'' சிறுகதை நூல் 2017 கல்பாக்கம் சாலோம் அறக்கட்டளை விருது மற்றும் 5000/-(ஐயாயிரம் ரூபாய்) பொற்கிழி.2."கருப்புச்சட்டையும் கத்திக்கம்புகளும்" சிறுகதை நூல் 13.08.2017 சென்னை பொதிகை மின்னல் விருது மற்றும் 3000/- (மூவாயிரம்) பொற்கிழி. 23.12.2018 ராஜபாளையம் மணிமேகலை மன்றத்தின் சிறுகதைச் செம்மல் விருது மற்றும் ரூபாய் 5000/- (ஐந்தாயிரம்) பொற்கிழி.17.02.2019 புதுச்சேரி தமிழ்ச் சங்கம் விருது மற்றும் ரூபாய் 3000/- (மூவாயிரம்) பொற்கிழி.குறிப்பு: முதல்பரிசு மற்றும் கருப்புச் சட்டையும் கத்திக்கம்புகளும் இரண்டு சிறுகதை நூல்களும் எம்.பில் ஆய்வு செய்யப்பட்டுள்ளன. பேச : 9788210863

ஞாயிறு, 14 ஆகஸ்ட், 2016

காட்டு நெறிஞ்சிக்கு பாராட்டு விழா

நெஞ்சம் நிறைந்த நன்றி....

எனது "காட்டு நெறிஞ்சி " நூலுக்கான விமர்சன கூட்டம் மற்றும் பாராட்டு விழா,  சென்னை எழில் இலக்கிய பேரவை மூலம் சென்னை ஆவடி முத்தமிழ் மன்றத்தில் ஞாயிற்றுக் கிழமை (14.08.2016) மாலை நடைபெற்றது. இந்த முத்தமிழ் மன்றமானது பேரறிஞர் அண்ணா அவர்களால் துவக்கி வைக்கப்பட்டது.  விழாவில் சிலம்பிசைப் பாவலர் கவிஞர் வே. முனுசாமி அவர்கள், எழில் இலக்கியப் பேரவைத் தலைவர் முனைவர் எழில் சோம. பொன்னுசாமி அவர்கள், பேராசிரியர் பாரதி அவர்கள்,  வெண்பா வேந்தர் நாதமணி அவர்கள், கவிஞர் புதுகை.தீ.இர அவர்கள், கவி.தங்க.ஆரோக்கியதாசன்  போன்றோர் கலந்து கொண்டனர்.  இலக்கிய கூட்டத்தில் பல்வேறு பகுதிகளிலிருந்தும்  ஏராளமான கவிஞர்கள் கலந்து கொண்டனர். "நம்மால் மலரும் நாடு " என்ற தலைப்பில் கவியரங்கமும் நடைபெற்றது. மாலை ஆறு மணிக்கு தொடங்கிய விழா இரவு ஒன்பது மணிக்கு நிறைவு பெற்றது. விழாவில் விற்பனைக்காக வைக்கப்பட்டிருந்த எனது "முதல் பரிசு " சிறுகதை நூலையும் "காட்டு நெறிஞ்சி " கவிதை நூலையும் உரிய விலை கொடுத்து ஆர்வமுடன் வாங்கி சென்றதை எண்ணும்போது எழுத்தாளனாய் வெற்றி பெற்றதாகவே கருதுகிறேன்.  விழாவினை ஏற்பாடு செய்த எழில் இலக்கிய பொறுப்பாளர்களுக்கு நெஞ்சம் நிறைந்த நன்றி.....

கருத்துகள் இல்லை: