என்னைப் பற்றி

எனது படம்
அகரப்பட்டியைச் சேர்ந்த ''சோலச்சி'' என்னும் நான் இடைநிலை ஆசிரியராகப் பணியாற்றி வருகின்றேன். இயற்பெயர் தீ.திருப்பதி. புதுக்கோட்டை நச்சாந்துபட்டி இராமநாதன் செட்டியார் மேல்நிலைப்பள்ளியில் பத்தாம்வகுப்பு அறிவியல் பாட ஆசிரியர் திருமதி எஸ்.சோலச்சி அவர்கள் 1998 இல் எனக்கும் எங்கள் குடும்பத்திற்கும் உற்ற துணையாக இருந்து எங்கள் வாழ்வில் ஒளியை உண்டாக்கியவர். அதனால் அவரின் பெயரையே புனைப்பெயராக வைத்துக்கொண்டேன்.எனது நூல்கள் :சிறுகதை, 1.முதல் பரிசு2.கருப்புச் சட்டையும் கத்திக் கம்புகளும்3.அட்டணக்கால், கவிதை: 1.காட்டு நெறிஞ்சி 2.விரிசல்1.''முதல் பரிசு'' சிறுகதை நூல் 2017 கல்பாக்கம் சாலோம் அறக்கட்டளை விருது மற்றும் 5000/-(ஐயாயிரம் ரூபாய்) பொற்கிழி.2."கருப்புச்சட்டையும் கத்திக்கம்புகளும்" சிறுகதை நூல் 13.08.2017 சென்னை பொதிகை மின்னல் விருது மற்றும் 3000/- (மூவாயிரம்) பொற்கிழி. 23.12.2018 ராஜபாளையம் மணிமேகலை மன்றத்தின் சிறுகதைச் செம்மல் விருது மற்றும் ரூபாய் 5000/- (ஐந்தாயிரம்) பொற்கிழி.17.02.2019 புதுச்சேரி தமிழ்ச் சங்கம் விருது மற்றும் ரூபாய் 3000/- (மூவாயிரம்) பொற்கிழி.குறிப்பு: முதல்பரிசு மற்றும் கருப்புச் சட்டையும் கத்திக்கம்புகளும் இரண்டு சிறுகதை நூல்களும் எம்.பில் ஆய்வு செய்யப்பட்டுள்ளன. பேச : 9788210863

செவ்வாய், 18 செப்டம்பர், 2018

மழைக்காலம் - சோலச்சி

                        மழைக்காலம்

வீட்டினுள் நுழைந்த
வெள்ளத்தை
விரட்டிக்கொண்டு
இருந்தான் அவன்.....!
மழையாய் விழுந்து
மழலை வெள்ளமாய் மாறிய
அந்த
நீர்க்குழந்தை
மீண்டும்
அத்துமீறியபடியே.....
அணைகட்டி தடுத்தும்
அமைதியாகவில்லை.....
பொறுமையாய்
விளையாடிய
அந்தக் குழந்தை
பேச தொடங்கியது ....



'' என்
அரியணையில் நீ......
வெளியேற்றப்பட வேண்டியதும்
நீயே.....!
தாராளமாய்
தங்க வேண்டிய நான்
தரிகெட்டு அலைகிறேன்
தார்ச்சாலையெங்கும்.....
எனது இல்லங்கள்
இருந்திருந்தால் - நீ
நிர்வாணமாய்
நிவாரணம் கேட்கும்
நிலை எதற்கு.....?
நீர்க்குமிழியின்
நீள உரை கேட்டு
திடுக்கிட்டான்.....!
நீர்நிலைகளும்
வயல்காடும்
கட்டடங்களைச் சுமந்தவாறு......
அனாதையாய்
ஓடிக்கொண்டிருந்த
அந்த
நீர்க்குமிழிக்குள்
மண்டியிட்டு முத்தமிட்டான்.....
"உன்
அரியணையில் நான்...."
மன்னிப்பு கேட்பவனாய்....
விழியின்றி தவித்தபடி
நகர வீதிகளில்
மழைக்காலம்.....!!!
              - சோலச்சி
                பேச : 9788210863

2 கருத்துகள்:

கரந்தை ஜெயக்குமார் சொன்னது…

என்
அரியணையில் நீ......
வெளியேற்றப்பட வேண்டியதும்
நீயே.....!

உண்மை
உண்மை

Dr B Jambulingam, Assistant Registrar (Retd), Tamil University சொன்னது…

ரசித்தேன்,அருமை.