என்னைப் பற்றி

எனது படம்
அகரப்பட்டியைச் சேர்ந்த ''சோலச்சி'' என்னும் நான் இடைநிலை ஆசிரியராகப் பணியாற்றி வருகின்றேன். இயற்பெயர் தீ.திருப்பதி. புதுக்கோட்டை நச்சாந்துபட்டி இராமநாதன் செட்டியார் மேல்நிலைப்பள்ளியில் பத்தாம்வகுப்பு அறிவியல் பாட ஆசிரியர் திருமதி எஸ்.சோலச்சி அவர்கள் 1998 இல் எனக்கும் எங்கள் குடும்பத்திற்கும் உற்ற துணையாக இருந்து எங்கள் வாழ்வில் ஒளியை உண்டாக்கியவர். அதனால் அவரின் பெயரையே புனைப்பெயராக வைத்துக்கொண்டேன்.எனது நூல்கள் :சிறுகதை, 1.முதல் பரிசு2.கருப்புச் சட்டையும் கத்திக் கம்புகளும்3.அட்டணக்கால், கவிதை: 1.காட்டு நெறிஞ்சி 2.விரிசல்1.''முதல் பரிசு'' சிறுகதை நூல் 2017 கல்பாக்கம் சாலோம் அறக்கட்டளை விருது மற்றும் 5000/-(ஐயாயிரம் ரூபாய்) பொற்கிழி.2."கருப்புச்சட்டையும் கத்திக்கம்புகளும்" சிறுகதை நூல் 13.08.2017 சென்னை பொதிகை மின்னல் விருது மற்றும் 3000/- (மூவாயிரம்) பொற்கிழி. 23.12.2018 ராஜபாளையம் மணிமேகலை மன்றத்தின் சிறுகதைச் செம்மல் விருது மற்றும் ரூபாய் 5000/- (ஐந்தாயிரம்) பொற்கிழி.17.02.2019 புதுச்சேரி தமிழ்ச் சங்கம் விருது மற்றும் ரூபாய் 3000/- (மூவாயிரம்) பொற்கிழி.குறிப்பு: முதல்பரிசு மற்றும் கருப்புச் சட்டையும் கத்திக்கம்புகளும் இரண்டு சிறுகதை நூல்களும் எம்.பில் ஆய்வு செய்யப்பட்டுள்ளன. பேச : 9788210863

ஞாயிறு, 21 ஜூலை, 2019

வளர்ச்சியும் வீழ்ச்சியும் - சோலச்சி





இலைகள் பழுத்த
மரம் ஒன்றில் அமர்ந்து
எச்சமிட்டு பறக்கிறது
பறவை ஒன்று....

காய்த்துக் குலுங்கும் மரங்களில்
கச்சேரி நடத்துகின்றன
பறவைகள்....

பட்டுப்போன பெரும்மரங்களை
பயன்படுத்திக்கொள்கின்றன
பச்சைக்கிளிகளும் ஆந்தைகளும்
தனக்கான வீடுகளாக....

பல நேரங்களில்
பட்ட மரங்களை
வெட்டி வீழ்த்தி விடுகிறது
காற்று....

அடி மண்ணை
வெள்ளம் அடியோடு
அடித்துச் சென்றாலும்
எங்கோ ஓரிடத்தில்
முளைத்து விடுகின்றன
அதன் விதைகள்.....






விதைகள் இடம் மாறி முளைத்தாலும்
பெயர் மாறி முளைப்பதில்லை...

ஆலம் விதை ஆலமரம்தான்
பனை விதை  பனை மரம் தான்...

விதைகள் பக்குவமானதாய்
இருக்கும் வரை
வீரியத்தோடுதான் எழும்...

உறிஞ்சும் நீரை பொறுத்தே
உறுதி செய்யப்படுகிறது
வளர்ச்சியும் வீழ்ச்சியும்....!!!

        - சோலச்சி புதுக்கோட்டை
           

1 கருத்து:

கரந்தை ஜெயக்குமார் சொன்னது…

அருமை
விதைகள் வீரியத்தோடு எழட்டும்