என்னைப் பற்றி

எனது படம்
அகரப்பட்டியைச் சேர்ந்த ''சோலச்சி'' என்னும் நான் இடைநிலை ஆசிரியராகப் பணியாற்றி வருகின்றேன். இயற்பெயர் தீ.திருப்பதி. புதுக்கோட்டை நச்சாந்துபட்டி இராமநாதன் செட்டியார் மேல்நிலைப்பள்ளியில் பத்தாம்வகுப்பு அறிவியல் பாட ஆசிரியர் திருமதி எஸ்.சோலச்சி அவர்கள் 1998 இல் எனக்கும் எங்கள் குடும்பத்திற்கும் உற்ற துணையாக இருந்து எங்கள் வாழ்வில் ஒளியை உண்டாக்கியவர். அதனால் அவரின் பெயரையே புனைப்பெயராக வைத்துக்கொண்டேன்.எனது நூல்கள் :சிறுகதை, 1.முதல் பரிசு2.கருப்புச் சட்டையும் கத்திக் கம்புகளும்3.அட்டணக்கால், கவிதை: 1.காட்டு நெறிஞ்சி 2.விரிசல்1.''முதல் பரிசு'' சிறுகதை நூல் 2017 கல்பாக்கம் சாலோம் அறக்கட்டளை விருது மற்றும் 5000/-(ஐயாயிரம் ரூபாய்) பொற்கிழி.2."கருப்புச்சட்டையும் கத்திக்கம்புகளும்" சிறுகதை நூல் 13.08.2017 சென்னை பொதிகை மின்னல் விருது மற்றும் 3000/- (மூவாயிரம்) பொற்கிழி. 23.12.2018 ராஜபாளையம் மணிமேகலை மன்றத்தின் சிறுகதைச் செம்மல் விருது மற்றும் ரூபாய் 5000/- (ஐந்தாயிரம்) பொற்கிழி.17.02.2019 புதுச்சேரி தமிழ்ச் சங்கம் விருது மற்றும் ரூபாய் 3000/- (மூவாயிரம்) பொற்கிழி.குறிப்பு: முதல்பரிசு மற்றும் கருப்புச் சட்டையும் கத்திக்கம்புகளும் இரண்டு சிறுகதை நூல்களும் எம்.பில் ஆய்வு செய்யப்பட்டுள்ளன. பேச : 9788210863

செவ்வாய், 29 ஜூன், 2021

கொரணா காலத்து குறிப்புகள் - சோலச்சி

அடடா உலகம் நடுங்குது
ஆழ குழிதோண்டி இறங்குது
அணுகுண்டு இருந்தும் வீணானது
அழிவு தானே செய்தியானது

செத்தால் தானே வாயை கட்டுவோம்
இன்று
வாயை கட்டி அல்லவா
வலம் வருகின்றோம்

இடைவெளி விட்டு பழக முடிகிறது
இல்லை என்றால் உயிர் மடிகிறது

கடவுளின் செயலாளர்கள்
என தம்பட்டம் செய்வோரும்
கருவரைக்குள் செல்லவே
அஞ்சுகின்றனர்

யார் பெரியவர் என்ற போட்டியில்
தோற்றுப் போனார் கடவுள்

மத போதையின் பலர் -மாட்டு
மூத்திரம் குடித்தே மாண்டனர்
அறிவை தீட்டிய பலர்
ஆகாத செயலிலிருந்து மீண்டனர்

நூல்களோடு பழகுவது
ஞானக் குளியல்
நூல் அறிவின்றி செய்கின்றனர் சிலர்
சாணி குளியல்

அருவியில் குளித்தால் போதாதென்று
மாட்டுச் சாணியிலும் குளித்து
மதம் வளர்க்கின்றனர்

கேடு கெட்டு போச்சு வாழ்க்கை
தொடு நீ வாழ்ந்திட வழக்கை

கொராணா கொன்று குவித்தது குறைவு
கொடும் பசியாலும்
வேலை இன்றியும்
நடையாய் நடந்து செத்தது அதன் விளைவு

காப்பான் என்றே ஒன்றிப்போனோம்
கழுத்தை நெரித்து கருக்கலைத்தான்
கணக்கில்லாமல் பொதுச்சொத்தை வித்தான்

விளக்கை ஏற்று
வெறுங்கை தட்டு என
வேடிக்கை காட்டினான்
வெந்த புண்ணில் காய்ச்சிய வேலை நீட்டினான்

அய்யகோ..! என் நாடு
அடிமைப்பட்டுக் கிடந்தது
பல்லிளித்து பாசாங்கு செய்தது
குனிந்த முதுகு நிமிரவே இல்லை
கையில்
அணிந்த கயிறுகளுக்கு அளவே இல்லை

எல்லாம் மோடி வித்தையாய் இருக்கு
எழுந்து வா தோழா
வாலை நறுக்கு...

கொத்துக் கொத்தாய் அவரையைத்தான் பார்த்தோம்
கொத்தாய் மனிதர் செத்ததால்
அதிர்ச்சியில் உதடுகள் வேர்த்தோம்

கொராணா - காக்கிகளுக்குள் புகுந்தும்
கலவரம் செய்தது
ஜெயராஜ் பென்னிக்ஸை கொன்று குவித்தது

டீக்கடை சட்டியும் சாலையில் பறந்தது
பசுமாடும் பால் சுரக்க மறந்தது

ஆண்ட பரம்பரையும்
அடங்கி சென்றது
ஆண்டவன் வாரிசும்
அங்காடியில் நின்றது

கொராணா தீண்ட சிங்கமும் செத்தது
கொடிய சாதி மட்டும்
கொக்கரித்து நிக்குது...

கருப்பு சிவப்பு நீலம்
ஊர்தோறும் பறக்கட்டும்
காவிகளின் கொட்டம்
கண்ணெதிரே நொறுங்கட்டும்

பானையோடு பழகுங்கள் நல்லது-  என
உரக்கச் சொல்லுங்கள்
உதித்தது சூரியன்
நிமிர்ந்து நில்லுங்கள்...!!!
               -சோலச்சி
               பேச: 9788210863