என்னைப் பற்றி

எனது படம்
அகரப்பட்டியைச் சேர்ந்த ''சோலச்சி'' என்னும் நான் இடைநிலை ஆசிரியராகப் பணியாற்றி வருகின்றேன். இயற்பெயர் தீ.திருப்பதி. புதுக்கோட்டை நச்சாந்துபட்டி இராமநாதன் செட்டியார் மேல்நிலைப்பள்ளியில் பத்தாம்வகுப்பு அறிவியல் பாட ஆசிரியர் திருமதி எஸ்.சோலச்சி அவர்கள் 1998 இல் எனக்கும் எங்கள் குடும்பத்திற்கும் உற்ற துணையாக இருந்து எங்கள் வாழ்வில் ஒளியை உண்டாக்கியவர். அதனால் அவரின் பெயரையே புனைப்பெயராக வைத்துக்கொண்டேன்.எனது நூல்கள் :சிறுகதை, 1.முதல் பரிசு2.கருப்புச் சட்டையும் கத்திக் கம்புகளும்3.அட்டணக்கால், கவிதை: 1.காட்டு நெறிஞ்சி 2.விரிசல்1.''முதல் பரிசு'' சிறுகதை நூல் 2017 கல்பாக்கம் சாலோம் அறக்கட்டளை விருது மற்றும் 5000/-(ஐயாயிரம் ரூபாய்) பொற்கிழி.2."கருப்புச்சட்டையும் கத்திக்கம்புகளும்" சிறுகதை நூல் 13.08.2017 சென்னை பொதிகை மின்னல் விருது மற்றும் 3000/- (மூவாயிரம்) பொற்கிழி. 23.12.2018 ராஜபாளையம் மணிமேகலை மன்றத்தின் சிறுகதைச் செம்மல் விருது மற்றும் ரூபாய் 5000/- (ஐந்தாயிரம்) பொற்கிழி.17.02.2019 புதுச்சேரி தமிழ்ச் சங்கம் விருது மற்றும் ரூபாய் 3000/- (மூவாயிரம்) பொற்கிழி.குறிப்பு: முதல்பரிசு மற்றும் கருப்புச் சட்டையும் கத்திக்கம்புகளும் இரண்டு சிறுகதை நூல்களும் எம்.பில் ஆய்வு செய்யப்பட்டுள்ளன. பேச : 9788210863

புதன், 16 மார்ச், 2016

ஏற்றம் இல்லை ... தாழ்வும் இல்லை - சோலச்சி

   "அவன் இவன் என்ற
    சாதியை மறந்திடடா...
    அண்ணன் தம்பி  மாமன் மச்சான்
    உறவினை தொடர்ந்திடடா.....!

     உலகை நோக்கி ஓடிட வேண்டாம்
     உன் பின்னால்  வர வேண்டும் ...!
     காலச்சக்கரம் சுழலும்  தானாய்
     முன்னேற வேண்டும் ..! - இது
     அவசர உலகமடா - உன்
     அறிவால் நிலைத்திடடா....!

      குனிந்து குனிந்து ஒடிந்தது போதும்
     முதுகை நிமிர்த்திடடா...!
      தலைவர் ஒருவரே அறிவுலக மேதையே
     அண்ணல் வழியில் நடந்திடடா...! - இது
      களவாணி உலகமடா - உன்னுள்
      களங்கம் வராமல் பாத்துக்கடா....!

      பிறர் துணியை துவைத்தே வெளுத்தே சாகும்
      வேதனை  உனக்கில்லையா...
      மனித கழிவினை மனிதன் அள்ளும்
      கொடுமை புரியலையா - இது
      பொல்லாத உலகமடா - நீ
      பொங்கி எழுந்திடடா....!

       முடியை திருத்தி அழகுற செய்யும்
       மனிதன் முன்னேறக் கூடாதா...
       ஏற்றம் இல்லை  தாழ்வும் இல்லை
       இழி சொல்லை ஒழித்திடடா...  இங்கு
       வாழ பிறந்தோமடா - இதில்
       வெறுப்புகள் ஏனடா....!"

                   - சோலச்சி
                    புதுக்கோட்டை


     13.03 2016 அன்று திருப்பூர் மாவட்டம் உடுமலை கொமரலிங்கம் பகுதியைச் சேர்ந்த தலித் இளைஞர் சங்கர் (22) படுகொலை செய்யப்பட்டார். இந்த சமூகம் சாதியை தலையில் தூக்கி வைத்துக்கொண்டு ஆணவக் கொலைகளை அரங்கேற்றி வருகிறது. அரசு வேடிக்கை பார்க்கிறது.... நீதிமன்றங்கள் .......?

   சாதி வெறி பிடித்த வெறியர்களை வன்மையாக கண்டிக்கிறேன்...

         நெஞ்சு பொறுக்குதில்லையே.....
           -முண்டாசு கவிஞர் பாரதி

1 கருத்து:

ஸ்ரீமலையப்பன் சொன்னது…

பாடல் அருமை... இன்னும் எழுதியிருகாலம் நண்பரே