என்னைப் பற்றி

எனது படம்
அகரப்பட்டியைச் சேர்ந்த ''சோலச்சி'' என்னும் நான் இடைநிலை ஆசிரியராகப் பணியாற்றி வருகின்றேன். இயற்பெயர் தீ.திருப்பதி. புதுக்கோட்டை நச்சாந்துபட்டி இராமநாதன் செட்டியார் மேல்நிலைப்பள்ளியில் பத்தாம்வகுப்பு அறிவியல் பாட ஆசிரியர் திருமதி எஸ்.சோலச்சி அவர்கள் 1998 இல் எனக்கும் எங்கள் குடும்பத்திற்கும் உற்ற துணையாக இருந்து எங்கள் வாழ்வில் ஒளியை உண்டாக்கியவர். அதனால் அவரின் பெயரையே புனைப்பெயராக வைத்துக்கொண்டேன்.எனது நூல்கள் :சிறுகதை, 1.முதல் பரிசு2.கருப்புச் சட்டையும் கத்திக் கம்புகளும்3.அட்டணக்கால், கவிதை: 1.காட்டு நெறிஞ்சி 2.விரிசல்1.''முதல் பரிசு'' சிறுகதை நூல் 2017 கல்பாக்கம் சாலோம் அறக்கட்டளை விருது மற்றும் 5000/-(ஐயாயிரம் ரூபாய்) பொற்கிழி.2."கருப்புச்சட்டையும் கத்திக்கம்புகளும்" சிறுகதை நூல் 13.08.2017 சென்னை பொதிகை மின்னல் விருது மற்றும் 3000/- (மூவாயிரம்) பொற்கிழி. 23.12.2018 ராஜபாளையம் மணிமேகலை மன்றத்தின் சிறுகதைச் செம்மல் விருது மற்றும் ரூபாய் 5000/- (ஐந்தாயிரம்) பொற்கிழி.17.02.2019 புதுச்சேரி தமிழ்ச் சங்கம் விருது மற்றும் ரூபாய் 3000/- (மூவாயிரம்) பொற்கிழி.குறிப்பு: முதல்பரிசு மற்றும் கருப்புச் சட்டையும் கத்திக்கம்புகளும் இரண்டு சிறுகதை நூல்களும் எம்.பில் ஆய்வு செய்யப்பட்டுள்ளன. பேச : 9788210863

வியாழன், 31 மார்ச், 2016

பயணம் ..... - சோலச்சி

   "கடல் பயணத்தில்
    தனியே இயக்கி
    மகிழ்ந்து திரிந்தேன்
    அந்தக் கப்பலில் ....

    நானும் மாலுமிதான்
    என்றபடி
    ஏறிக்கொண்டாய்....!

    நம்பிக்கையோடு
    ஏற்றுக்கொண்டேன்...!

    பயணத்தின் போது
    இயக்கி மகிழ்ந்தாய்
    உன் போக்கில்...!

    பயணம் தொடர்வதெண்ணி
    பின் தொடர்ந்தேன்....!

    பயணத்தின் போது
    பயணியர் இருவர்
    வந்து சேர
    தொடர்ந்தது பயணம் ....!

     காணாமல்
     போய்விடுவாய்
     அவ்வப்போது.....!

     பார்த்திருக்கிறேன்
     பல நேரங்களில் ....!

     இயங்கிக்கொண்டிருப்பாய்
     வேறு சில கப்பல்களில்
     நான் பார்க்கவில்லை
     என்றெண்ணி...!

     எனது கப்பலை
     இயக்கவே
     வேண்டிக்கொண்டேன்
     பல நேரங்களில் ....!

     செவி சாய்த்ததாய்
     தெரியவில்லை ....!

     இப்போதும்
     காணாமல் நீ....!

     எனக்குத் தெரியும்
     ஏதாவது ஒரு கப்பலில்
     இயங்கிக்கொண்டிருப்பாய்..!

     கூட வருவதாய்
     சொன்னதால்தான்
     கூடியிருந்தேன்
     உன்னோடு.....!

     இடமாறும் உன்னை நம்பி
     அல்ல
     எனது கப்பல் ....!

     நடுக்கடலில்
     இப்போது
     நான்....

      அந்த
      பயணியர் இருவருடன்
      கரையை நோக்கி.....!

              - சோலச்சி
                 புதுக்கோட்டை

2 கருத்துகள்:

semmozhiththamizharam சொன்னது…

கப்பல் கரை சேரட்டும். வாழ்த்துக்கள், தம்பி.

சோலச்சி சொன்னது…

மிக்க நன்றிங்க அண்ணா